បន្ទាយមានជ័យ៖ សមត្ថកិច្ចចំរុះជេីងតាមបន្ទាត់ព្រំដែន បានឃាត់ខ្លួនពលរដ្ខចំនួន៧នាក់ បម្រុងលួចឆ្លងដែនខុសច្បាប់ ទៅប្រទេសថៃតាមខេត្តបន្ទាយមានជ័យ កាលពីវេលាម៉ោង០០និង០៥នាទីយប់ឈានចូលថ្ងៃទី៣០ ខែមករា ឆ្នាំ២០២២។

មេបញ្ជាការ វរសេនាតូចនគរបាលការពារព្រំដែនគោកលេខ៨១៥ បានឲ្យដឹងថាលោកវរសេនីយ៍ឯក សួង សៅ ប្រជាពលរដ្ឋចំនួន០៧នាក់ ក្នុងនោះស្រី ០២នាក់ បម្រុងលួចឆ្លងដែនខុសច្បាប់ ទៅប្រទេសថៃ ក្នុងភូមិសាស្ត្រប៉ុស្តិ៍ការពារព្រំដែនក្បាលទំនប់ ត្រង់ចំនុច គោលដៅដើមអំពិល ស្ថិតក្នុងភូមិបន្ទាយទី២ ឃុំអូរសំព័រ ស្រុកម៉ាឡៃ។

អធិការនគរបាលស្រុកម៉ាឡៃ លោកវរសេនីយ៍ឯក បេន សំអាត បានបញ្ជាក់ថា ប្រជាពលរដ្ឋខ្មែរប្រុស-ស្រីទាំង០៧នាក់ មាន០៣នាក់ មកពីភូមិថ្មី ឃុំភូមិថ្មី ស្រុកថ្មពួក ខេត្តបន្ទាយមានជ័យ និង០៤នាក់មកពីភូមិស្វាយពេក ឃុំគោកធ្លកលើ ស្រុកកជីក្រែង ខេត្តសៀមរាប។

បច្ចុប្បន្នប្រជាពលរដ្ឋទាំង០៧នាក់ បាន បញ្ជូនទៅធ្វើចត្តាឡីស័ក នៅវិទ្យាល័យកូបធំ សង្កាត់និមិត្ត ក្រុងប៉ោយប៉ែត បន្ទាប់ពីធ្វើការអប់រំនិងកិច្ចសន្យារួច ៕